KIKUYU UPDATE AUGUST 2014

Haria maundu makinyiite: Ciira wa kurihirio kwa Ahuraniri a Wiyaathi a Kenya

Turekira mukoonde ati mateta maaku megii kiria kungihoteka ungirihirio ni marikiitie gwikirwo Register-ini ya Ciira wa kurihirio kwa Ahuuraniri a Wiyaathi a Kenya na riu tureenda urore kana maundu makwigii maria uheyaniite ni mandikiitwo ta uria kwagiriire.

Gwikira mukoonde maundu maku kiumbe makwigii

Ni turakuuria na gitiiyo urore kana maundu makwigii maria mandikiitwo hau iguru maruwa-ini maya ni marungiriru. Angikorwo hena mahitia itikira kwaraniria na kambuni ya mawakiri ya Miller & Co na umataaririe undu o woothe ungienda uceenjio.

Angikorwo ni wamukiriite maruwa maya ta mugai wa muhuuraniri wa wiyaathi uria kwa mutino ungikorwo ni arikiitie gukua, araniria na kambuni iyo ya Miller & Co na ihenya o ta uria kungihoteka.

Kambuni ino ya Miller & Company Advocates ikoragwo Nairobi, barabara-ini ya Standard Street, Nyumba-ini ya Bruce House, ngoroba ya 13, na ithanduku ria maruwa ni 45707 – 00100 Nairobi, Kenya.

Thimu ni : 020 2248461, 020 2248461
Email ni: miller@milleradvocates.com
Kana uhuthire Email ya kambuni ya Tandem Law iria ari : info@tandem-law.com

Andu aniini aria mangiamurwo kurugamirira aria angi oothe ciira-ini uyu

Thiini wa ciira wa gikuundi uria ukoragwo na andu aingi mena mateta tawe, igooti ritingihota guthikiriria uira wa o muundu kiumbe. Haandu ha uguo, andu aniini nio mahuthiragwo niundu wa kuhonokeria igooti mathaa na mbeeca cia kurugamirira ciira wa o umwe wa andu acio na maciira maao oothe ni mahuanaine.

Kuri tariki 8 mweri wa 7 mwaka uyu wa 2014 igooti rinene ria Ngeretha na Wales ni riathanire thuutha wa kuiguithaniria ati maciira ma andu 40 nimo makarugamirira andu aria oothe turatetera. Guthuurwo kwa maciira macio 40 gatagati-ini ka maciira 100 maria monganiitio haaha na haaria ni gugatigirira ati iteta o riothe ni rikarumbuiyio na uira wario urutwo igooti-ini.

Kwa ihiinda riiri turarikiriria kuhaaririria maciira ma kiambiriria-ini 100 maria monganiitio haaha na haria. He bata muno ungithuurwo ta muira wa kuhuthika maciira-ini macio inyitanire na kinyi na ahaaririria a ciira na mawakiri niundu wa gutigirira ni ukaheyanna uira muingi o ta uria kungihoteka niundu wa gukinyaniria uhootani wa andu aria oothe moriitie marihirio.

Kambuni ya Tandem Law ni ikwaraniria imwe kwa imwe na muundu o woothe uria ungithuurwo kuruta uira ciira-ini uyu.

Giikaro kiria kingi giukiite kia igooti

Hiindi iria ingi ciira ugacooka igooti-ini rinene ria Ngeretha na Wale ni tariki 10 mweri wa December mwaka uyu wa 2014 riria giikaro gia gutua uria ciira kuna guo mwene ugatwarithio na mbere. Giiki ni giikaro gia gutua makinya maria mangi makarumirirwo ma ciira uyu.Kaingi giikaro ta giiki gitabanagio riria ciira uri muritu na uhutiitie maundu maingi ma guthikiririo na gutuithanio. Mutaratara wa riria makinya ma-na magiriirwo ni gukinyukio no muhaka uhitukio niundnu wa kuhotithia ciira kuhanyukio.

Tukirikiriria

Tigirira ati uhoro wa maundu maku kiumbe makwigii ni mandike uria kwagiriire. Muthia-ini, ni ngatho niundu wa kuuria kambuni ya Tandem Law iguciririre. Ni tugukwandikira maruwa mangi ma gugutaariria haria maundu makinyiite ciira-ini uyu mbere ya kugwetwo kwaguo riingi mweri-ini wa December mwaka uyu wa 2014.

NI ithui
Tandem Law