KIKUYU UPDATE JULY 2017

Gwa kahinda ka mieri iiganona mihituku, nitukinyukitie makinya mega. Ona kuri o uguo, ni wega umenye ati thirikari ya ngeretha kuhitukira mawakiri mao ni monanitia kuna ati nimaregete gwitikira hathara iria yaumanire na Emergency na macungiriro mayo.

Gukinyiria umuthi uyu, timu ya mawakiri ma njamba cia wiyathi ni iiyukitie ciira uyu makigeria kuruirira mateta manyu na igoti nirithikiriirie uira kuma aira mwanya mwanya ta: test case claimants, ataaramu a madagitari aria mabaaraga Test Case Claimants, aira angi gatagati-ini ka aaria maikitie mateta aria mekirire mukonde uira wa Test Case Claimants, Aira a mwena wa muthitangwo aria marutire uira wigii maundu maria mathiaga na mbere hindi ya emergency na o hamwe na aira a mwena wa Muthitangwo aria marutire uira wigii wethi wa maratathi/bairo iria cirekira uira wa mateta.

Itiina riu ringi ria ciira nirigetikiria Muthitangwo (Foreign and Commonwealth Office) aiyukie ciira wake. Kiambiriria-ini Muthitangwo ndatanyaga kuruta uira wa njira ya maratathi/ bairo, no riu niatanyite gwika uguo. Niundu ucio na niundu wa jaji eririirie kuhitukira cira wa o umwe wa test case witnesses, ni turatanya hihi ciira uyu wahota guthia nginya hihi mweri wa kanana mwaka wa ngiri igiri na ikumi na inyanya (July 2018) kana ona makiria. Uira warikia kurutwo, jaji niaratanywo guthukia ciira na thutha wa kahinda ka mieri iigana una ni agacoka atue ciira.

Niundu ucio, tutiirigiriire gutuo gwa ciira nginya hihi mweri-ini wa kana mwaka-ini wa ngiri igiri na ikumi na kenda (April 2019). Uyu niuhoro wa kuraga ngoro. Ona gutuika nituguika o uria wothe tungihota kuhanyukia maundu maya. Nituriikaraga tukimumenyithagia uria maundu marathii na mbere.

Ungiamukira marua maya matumiirwo umwe wa aria maikitie mateta na hihi niarikitie kuhuruka na niwe wandikitwo ta murugamiriri wake (next of kin), niukurio na gitio wakorwo ndumenyithitie mawakiri undu wigwi kuhuruka gwake, ucere ofisi ya Miller & Co. Advocates naihenya ota uria kwahoteka niguo tuhote kuihuria rekodi ciitu. Hena mweke waciira gutwarithio na mbere mundu ahuruka ona gutwika hena bata tukorwo tukimenya hihi undu ta ucio ungihanika tondu ni hari makinya mabatii gukinyukio megii undu ucio.